21 лютага ў свеце адзначаецца Міжнародны дзень роднай мовы.
Беларускія народныя казкі – наша нацыянальнае багацце, наш гонар, імі захапляюцца не толькі беларусы, але і жыхары іншых краін свету.
Няма на свеце дзяцей, якія не любілі б казак. Праўда, і дарослыя часта праяўляюць да іх цёплыя пачуцці, хоць і не заўсёды ў гэтым прызнаюцца. Чаму ж людзі так лагодна ставяцца да гэтых народных твораў? Казкі здзіўляюць нас сваім багаццем, захапляюць зместам, зачароўваюць гучаннем.
У казках пра жывёл дзейнічаюць адметныя персанажы: ліса, воўк, мядзведзь, заяц, баран, сабака, кот, певень. Сваімі паводзінамі ўсе яны нагадваюць людзей – добрых, сціплых, працавітых, надзейных, разумных або зайздросных, хітрых і жорсткіх.
У казках сцвярджаюцца лепшыя чалавечыя якасці: адданае сяброўства, бескарыслівасць, працавітасць, кемлівасць – і асуджаюцца няўдзячнасць, сквапнасць, нахабства, лянота. Мова народных казак адметная: трапная, простая, зразумелая і вобразная.
Дзякуй, Святлана Федараўна! Ваша ганарыстая варона😊 - проста ЦУД! Сёння пакажу і сваім дзеткам.
ОтветитьУдалитьНаталля Віктараўна, дзякуй! Маім чытачам таксама спадабалася. Дзеці назіралі з цікавасцю за прыгодамі вароны.
Удалить